सुचना तथा समाचार

बिषादी न्यूनीकरण बिषयक सचेतना कार्यक्रम २०७५

राष्ट्रिय उपभोक्ता मंच गोरखा जिल्ला उपसमितिको संयोजन तथा प्लान्ट कवारेनटाईन एवं बिषादी व्यवास्थापन, ललितपुर र राष्ट्रिय उपभोक्ता मंच, काठमाडौँ को सहकार्यमा पालुङटार नगरपालिकाको कार्यालयको सभाहलमा नगरपालिकाका नगर प्रमुख ई. दीपक बाबु कंडेल ज्यू को प्रमुख अतिथिमा तथा बिषादी सम्बन्धि विशेसज्ञ को उपस्थितिमा बिषादी न्यूनीकरण बिषयक सचेतना कार्यक्रम २०७५ सम्पन्न भयो |

 

लिगलिगकोटमा नेपालकै ठुलो झन्डा मध्यको एक ४० फिट अग्लो राष्ट्रिय झन्डा झण्डात्तोलन कार्यक्रम

२०७५/०९/२७ पालुङटार नगरपालिका राष्ट्रिय एकता दिवसको सु-अवसरमा पालुङटार नगरपालिका वडा नं.२ स्थित ऐतिहासिक भुमि, सांस्कृतिक धरोहर आधुनिक नेपालको उद्गमस्थल लिगलिगकोटमा नेपालकै ठुलो झन्डा मध्यको एक ४० फिट अग्लो राष्ट्रिय झन्डा पालुङटार नगरपालिका नगर प्रमुख ई.दीपक बाबु कंडेल ज्यू बाट शुभ साइतमा पुजा आज सहित औपचारिक कार्यक्रमका बीच झण्डात्तोलन कार्यक्रम सम्पन भएको छ | कार्यक्रममा पालुङटार नगरपालिकाका उप प्रमुख पम्फा बसेल ज्यू वडा अध्यक्षहरु ज्युहरु  कार्यपालिका सदस्यज्यु हरु, नगरसभा सदस्यज्युहरु तथा क्रियाशील राजनीतिक दलका पार्टी प्रतिनिधिहरु उपस्थित हुनुहुन्थ्यो | कार्यक्रममा नगरबासीहरुको बाक्लो उपस्थिति रहेको थियो | त्यस क्रममा वडा नं. २ क वडा अध्यक्ष श्री लोक नाथ वाग्ले  ज्यूबाट स्वागत मन्तब्य तथा यस कार्यक्रमको महत्तोको उजागर गर्नु भएको थियो | भने कार्यक्रमको अध्यक्ष पालुङटार नगरपालिकाका नगर प्रमुख ई. दीपक बाबु कंडेल ज्यूले समग्र पालुङटार नगरपालिका बनाउने  ऐतिहासिक धरोहर लिगलिगकोटको सम्रक्ष मार्फत आन्तरिक तथा बाह्य पर्यटन प्रबर्दन गर्दै जनताका आर्थिक क्रियाकलापहरुमा अभिब्रिदी गर्दै समुन्नत, सम्रिदी पालुङटार नगरपालिका बनाउन सकिन्छ र यस झण्डा राख्नुले थप पर्यटन विकास तथा लिगलिगकोट चिनाउनलाई कोशेढुंगा (Milestone) हुने कुरा ब्यक्त गर्नु भएको थियो | यसै कार्यक्रम बीच “लिगलिग-पालुङटार प्रवर्द्धन यात्रा २०७५” मा पालुङटारका केही युवाहरू टिस्टा नदि सम्मको यात्रा गरेका र सोहि क्रममा टिस्टा पुर्याइएका झण्डाहरू युवा किरण गिरिले नगरपालिकाका मेयर इ दीपक बाबु कंडेल ज्यु लाई हस्तान्तरण गर्नु भएको थियो l

   ​​​​​​​

पालुङटार नगरपालिका नगर कार्यपालिकाको चौथो नगर सभा २०७५ तथा हिउदे नगर सभा सम्पन्न
पौष २३ गते सोमबारको दिन यस नगरपालिकाको ऐतिहासिक चौथौ नगरसभाको बिधिवत शुरुवात पा.न.पा. नगर सभाहलमा शुरु भएको छ नगर प्रमुख श्री दीपक बाबु कंडेल ज्युको अद्क्ष्यतामा शुरु भएको नगर सभामा नगर उप प्रमुख श्री पम्फा बसेल ज्यु ले शुभकामना दिनुभएको थियो भने नगर प्रमुख ज्यु ले २०७५/०७६ को पुष १५ सम्मको बार्षिक प्रगति विवरण सहित नगर गुरु योजनाहरुको बारेमा स्पष्ट पार्नुभएको थियो l कार्यक्रममा सभा अध्क्षय श्री इ दीपक बाबु कंडेल ज्युले बोल्नुहुदै भन्नुभयो आधुनिक नेपाल राज्यको उद्गमस्थल, मर्याङ्दी, चेपे र दरौंदीको बीचमा ऐतिहासिक लिगलिगको काखमा अवस्थित गोरखा जिल्लाको ११ वटा स्थानीय सरकारमध्येको एक यस नगरपालिका नेपालको संविधानले आत्मसाथ गरेको संघीयताको अवधारणा अनुरुप स्थानीय सरकारको चुनाव सम्पन्न भै जनप्रतिनिधिमार्फत शासन सञ्चालन भएको पनि पौने दुई बर्ष भएको छ । आफ्नो कार्यकालको मध्यकालीन अवधिको हामि सबैले समिक्षा गरि रहदा हाम्रो चाहना शुन्यमा महल बनाउने होइन यस धर्तीमा सुन्दर झुपडी बनाउने हुनुपर्छ l यस पालुङटारको सर्वपक्षिय सम्बृदीका लागि हामि भित्र कहिँ कतै सुसुप्त रुपमा रहेका र बेला बखत देखा पर्ने खराब प्रवृतिलाइ सुधार्ने मुख्य औसधि स्नेह, प्रेम, सदाचार र भातृत्व नै हो भन्ने हामीले बिर्सिनु हुदैन l हामि सधै सुखी र समृद्ध जीवन वाच्ने तयारीमा लागि रहन्छौ तर यथार्थमा बाच्न भने कहिले सक्दैनौ किन ? सहरमा घरहरु नजिक हुन्छन् तर मनहरु भने टाढा बन्दै गइरहेका हुन्छन यसको विपरीत गाउमा घरहरु टाढा तर मनहरु नजिक रहेका हुन्छन l मनहरु नजिक पारेरनै हामी हाम्रो जीवनको लक्ष्य प्राप्ति गर्न सक्छौ l २०७२ सालको महा विनासकारी भूकम्प बाट भौतिक संरचनाहरु मात्र चर्केका छैनन् भावानाका पर्खालहरु समेत चर्केको यस अवस्थामा यस पालुंगटारको पुननिर्माण र नवनिर्माणका लागि यी चर्किएका मनहरु जोड्न जरुरी छ यसका लागि हामि भित्र रहेका सबै प्रक्रारका मतभेद त्यागेर पालुंगटार निर्माणको महान यात्रामा संगै हिड्नको बिकल्प छैन l यस अवधिमा नगरपालिकाले समग्र पक्षहरुको सकरात्मक विकासमा कुन हदसम्म सफलता हासिँल गर्न सक्यो त्यसको समिक्षा गर्दै थप रणनीतिहरु तर्जुमा गर्दै भएका कमिकमजोरीहरुबाट पाठ सिक्दै, सुधार गर्दै समृद्ध पालुङटार निर्माण गर्ने दायित्व हामी निर्वाचित जनप्रतिनिधिहरुको हो । त्यसका लागि हामी सदैव पालुङटारको सर्वपरी हितमा एक ढिक्का भएर अगाडी बढ्नु पर्ने देखिन्छ ।आजको यस पालुङटार नगरपालिकाले अंगीकार गरेको नीति, कार्यक्रमको समिक्षा हुने नगरसभा बैठकमा हालसम्मको कार्यक्रमको समिक्षा प्रस्तुत गर्न पाउँदा गौरवानुभुति गर्दै ऐतिहासिक अवसरको यस मुलुकको राजनीतिक, सामाजिक आर्थिक परिवर्तन र रुपान्तरणका लागि आफ्नो ज्यान उत्सर्ग गर्ने सवै ज्ञात अज्ञात वीर शहिदहरुप्रति भावपूर्ण श्रद्धाञ्जली अर्पण गर्नुहुदै आ. व. ०७५/०७६ का लागि बिगत तेश्रो नगरसभाले पारित गरेका नीति कार्यक्रम र बजेटको कार्यान्वयनको महत्वपूर्ण चरणमा रहेको अवगत गराउदै विगतको आ.व. मा देखिएका नीति योजनाहरुको कार्यान्वयनको कमिकमजोरीहरुबाट पाठ सिक्दै परिशिकृत हुदैँ जनतालाई असल शासनको अनुभूति दिलाउने गरी यस बर्ष भएका योजना तथा कार्यक्रमहरुको प्रभावकारी कार्यान्वयन गर्दै यस नगरपालिकाको समग्र पक्षहरुको विकासको लागि तेश्रो नगरसभाले अंगिकार गरेको नीति कार्यक्रमहरुको समिक्षा र पनुरावलोकन तथा कार्यक्रम संचालन शैलीमा व्यापक परिवर्तन गर्न आवश्यकता बोध भएको उल्लेख गर्नुभयो । 
शहरी व्यवस्थापनका सवालमा निश्चित समय भित्र स्तरीय पूर्वाधार सहितको समुन्नत सेवा र उत्पादन प्रणालीमा परिबर्तन ल्याई सामाजिक आर्थिक समुन्नतीको लागि यस नगरपालिका नेपाल सरकारको तर्फवाट स्मार्ट सिटि अबधारणा अनुरुप अगाडी बढाउन छनौट भै कार्यपालिका बैठकबाट स्मार्ट सिटीको लागि आवश्यक पूर्वाधार निर्माणको लागि प्राथमिकता प्राप्त आयोजनाहरुको छनौट गरी विस्तृत परियोजना प्रतिवेदन (DPR) तयार गर्नको लागि सम्बन्धित सरोकारवाला निकायसंग समन्वय भई काम अगाडी बढिसकेको हुनाले पूर्वाधार विकासमा बढि भन्दा बढि लगानी सुनिश्चितताको लागि दिर्घकालिन आन्तरिक स्रोतमा उल्लेख्य बढोत्तरी गरी आत्मनिर्भर बन्ने दिशामा राजश्व नीति अंगीकार गरी अगाडी बढिसकेको अवस्था रहेको र हालसम्म यस आ.व. मा चालु खर्च तर्फ रु. ४१ करोड ९२ लाख ७२ हजार ९७६ र पूजीँगत खर्च तर्फ रु. ३१ करोड ५० लाख ४७ हजार २४ गरी कूल रु. ७७,४३,२०००० बजेट विनियोजन गरिएकोमा २०७५ मङ्सिर मसान्तसम्म चालु खर्चतर्फ रु. १२ करोड ९१ लाख ६१ हजार ३९८ र पूजीँगत खर्च तर्फ रु. ४ करोड ४२ लाख ४५ हजार ३१७ गरी जम्मा रु. १७ करोड ३४ लाख ६ हजार ७१५ खर्च भएको कुरा पनि नगरसभामा स्पष्ट पार्नुभयो l कार्यक्रममा नगर उप प्रमुख ज्यु ले स्वागत मन्तब्य दिनु हुदै यस न.पा.मा के कुराको आवश्यकता छ ? हाम्रो भूमिका के हो ? हाम्रो दाइत्व के हो भन्ने कुरा बिगतका दिनहरुबाट अनुभूति भइ सकेको र निर्वाह गरेको कुरा पनि बाताउनुभयो l २ दिन सम्म चलेको यस नगर सभावाट नगर शिक्षा एन सिफारिस समिति, वडा कार्यालय हस्तान्तरण तथा सिमांकन हेरफेर सम्बन्धि कार्यदल, नगर स्तरीय खेलकुद विकास समिति गठन समेत भएकोछ भने पा.न.पा सहकारी एन -२०७५, पा.न.पा. कृषि ब्यबसाय प्रबर्धन एन-२०७५ नगर सभाबाट सर्वसम्मतले पास समेत गरेकोछ l कार्यक्रममा बिबिन्न बिषयगत समिति राजस्व परामर्श समिति, विपद ब्यबस्थापन समिति, योजना तर्जुमा समिति, अनुगमन समिति, न्यायिक समिति आर्थिक समिति जस्ता बिषयगत समितिहरुको कार्य प्रगति बिबरण पेश गर्नुभएको थियो l बिभिन्न एन नियमहरु, काम गरेको अनुभव, पारदर्शीता प्रति जानकारी दिनुहुदै प्रमुख प्रशासकीय अधिकृत श्री बिरेन्द्र देव भारती ज्युले कार्यक्रम संचालन गर्नु भएको थियो l

  

  ​​​​​​​

त्रिबेणी मा बि मा ICT ल्याब हस्तान्तरण

पौष १३ २०७५, पालुङटार
पा.न.पा ९ सेरा बजार स्थित श्री त्रिवेणी स्कुलमा EAI सस्था USA र राजेश डंगोल लगाएत Nec'99 Civil Batch को आर्थिक सहयोगमा कम्पुटर सहितको ICT ल्याब स्थापना गरि एक कार्यक्रम बीच उद्घाटन तथा हस्तान्तरण गरिएको छ l जम्मा कुल १६ सेट कम्पुटर, १ सेट प्रिन्टर र १ सेट प्रोजेक्टर, सहितको ICT ल्याब स्थापना भए संगै त्यस स्कुलमा करिव ३८५ जना अध्यनरत विधार्थीहरुलाइ पठन पाठनमा सहज हुने भएको छ l पा.न.पा नगर प्रमुख इ. दीपक बाबु कंडेल ज्यु प्रमुख अतिथि रहनु भएको कार्यक्रममा पा.न.पा नगर शिक्षा उप सचिव श्री महेन्द्र पराजुली, पा.न.पा वार्ड न ९ का वार्ड अध्यक्ष श्री भेजराज पाण्डे ज्यु, सहयोगी EAI सस्थाका प्रतिनिधि श्री राजेश डंगोल ज्यु, बिद्यालय ब्यबस्थापन समितिका पधाधिकारीज्युहरु, स्थानीय बुद्धिजीवी, समाजसेवीहरुको उपस्थित रहेको थियो l उक्त हस्तान्तरण कार्यक्रममा सहयोगी सस्था EAI लाइ ह्रदयदेखि धन्यवाद दिनुहुदै केहि चिज परिवर्तन गर्नका लागि र पालुङटार बिकाशका लागि शिक्षक कर्मचारी, जनाप्रतिनिधि सबै मिलेर हातेमालो गर्दै जानुपर्नेमा जोड दिनुभयो l महाकवि लक्ष्मी प्रसाद देबकोटाको कविता मानिस ठुलो दिलले हुन्छ जातले हुदैन, क्षेत्रिको छोरो यो पाउ छुन्छ, घिनले छुदैन भन्ने लाइन स्मरण गर्नुहुदै मन मुटुले सामाजिक सेवामा लाग्नु पर्ने र यस भेगका श्री रजगरे मा.वि., मिर्कोट मा.वि. गाईखुरको लक्ष्मी मा.वि. मदने डाडा मा.वि र यो त्रिवेणी मा बि लाइ सुबिधा सम्पन्न सामुदायिक स्कुल बनाइ शिक्षामा परिवर्तन ल्याउन हरदम प्रयास रहेको बताउनुभयो l

  

स्वागतम नगर शिक्षा प्रमुख

पालुङटार नगरपालिका प्रमुख प्रसासकिय अधिकृत बिरेन्द्र देव भारती ज्यू द्वारा नगर शिक्षा प्रमुख उप सचिव महेन्द्र पराजुली ज्यूलाई पालुङटार नगरपालिकामा स्वागत गर्नु हुँदै।

आपपिपल अस्पतालको नया भवन हस्तान्तरण कार्यक्रम

श्री जापान अन्तराष्टिय सहयोग नियोग (जाइका) को आर्थिक सहयोगमा पालुङटार नगरपालिका-३, आपपिपल अस्पतालमा नवनिर्मित वहिरंग तथा आकस्मिक विभागको भवन समुद्घाटन कार्यक्रममा मायाको चिनो प्रधान गर्नुहुदै रास्ट्रिय सभा सदस्य तथा बिपक्ष दलका नेता श्री सुरेन्द्रराज पाण्डे ज्यु तथा पा.न.पा नगर प्रमुख श्री ई. दीपक बाबु कंडेल ज्यु .l

 

नगर प्रमुख बंगलादेश भ्रमणमा

पालुङटार नगरपालिकाका नगर प्रमुख श्री ई. दीपक बाबु कंडेल ज्यु बंगलादेशको राजधानी ढाका र कुश्तियामा हुने Training Workshop on Integrated Resource Recovery and Urban Waste Management सम्बन्धि गोष्ठीमा भाग लिनु भयो । कूश्तिया नगरपालिका बंगलादेशमा मेयर अनवर अली र council member अनि सास्कृतिक कार्यक्रमको सानो झल्को |

  

लैङ्गिक हिंसाविरुद्धको १६ दिने अभियान

" लैङ्गिक हिँसा र दुव्र्यवहार छैन हामीलाई " भन्ने मूल नाराका साथ संसारभर मनाईंदै गरेको लैङ्गिक हिंसाविरुद्धको १६ दिने अभियान अन्तर्गत पालुङ्टारमा अभिमुखीकरण कार्यक्रम गोरखाको पालुङटार नगरपालिकामा पनि सञ्चालन भइरहेको छ । नगरपालिकाकको आयोजना र इलाका प्रहरी कार्यालय ठाँटीपोखरी एवं स्वाँरा सघन गाउँ विकास केन्द्रको सहकार्यमा सञ्चालित अभियान अन्तर्गत आज नगरपालिकाको वडा नं. ७ स्थित श्री जीवन ज्योति मा.वि.मा १ दिने अभिमुखीकरण कार्यक्रम सम्पन्न भएको छ । नगरपालिकाकी उप प्रमुख एवं नगरपालिकाको न्यायिक समितिका संयोजक पम्फा बसेलको सभापतित्वमा कार्यक्रम सम्पन्न भएको थियो । कार्यक्रममा बोल्दै उपप्रमुख बसेलले समाज निर्माणमा युवाहरुको महत्वपूर्ण भूमिका हुने बताउनुका साथै हिंसा न्यूूनिकरणमा सवैले आ आफ्नो स्थानबाट जुटनुपर्ने बताउनुभयो । साथै उहाँले नगरपालिकामा भएको न्यायिक समितिको क्षेत्राधिकार, यसले गर्ने कार्य एवं हालसम्मका कार्यप्रगतीको विषयमा बताउनुभएको थियो । कार्यक्रममा पालुङ्टारका न्यायिक समितिका सदस्य दिलेन्द्र बहादुर देवकोटाले स्वागत मन्तव्य राख्नुभएको थियो ।जसमा महिला विकास तथा बालबालिका शाखाकी प्रमुख इन्दिरा न्यौपानेले कार्यक्रमको औचित्य पुष्टि गर्नुभएको थियो । यसै गरि यसै दिवसकाे अवसर परेर कानुनको अज्ञानता क्षम्य हुदैन भन्ने कानुनि विधि शात्रकाे मान्यताा अनुसार नगर भित्रका सम्पुर्ण वडा कार्यलयहरुमा नयाँ कानुनि किताब तथा वडालाई अावश्यक पुस्तक समेत नगरपालिकाबाट प्रदान गरिदै छ।

 

 

संचारिका समुहको आयोजनामा कार्यक्रम समकोण
पालुङटार नगरपालिका वडा नं. ७ मा गण्डकी प्रदेशका मुख्यमन्त्री पृथ्वीसुब्बा गुरुङले कार्यकक्रम समकोणमा बोल्दै अहिलेको संघीय सरकार भरखर मात्र बनेकोले यसका पूर्वाधार निर्माणमा समय लाग्ने हुँदा विकासले गति लिन समय लाग्ने बताउनुभयो । सोही क्रममा उहाँले अन्य प्रदेशको तुलनामा भने कुनै तरहले पनि कमजोर नहुने बताउनुभयो । भूकम्पपछिको पुननिर्माणमा महिलाका सवाल विषयमा भएको छलफल कार्यक्रममा राष्टिय पुननिर्माण कार्यालयका सह प्रवक्ता , पालुङ्टार नगरपालिकाका उपप्रमुख पम्फा बसेल, गोरखाका प्रमुख जिल्ला अधिकारी नारायणप्रसाद भट्ट, प्रहरी प्रमुख एस.पी. विमल वस्नेत, वडा नं ७ का वडाध्यक्ष वसन्तकुमार श्रेष्ठ, वडा नं. ८ का वडाध्यक्ष शंकरराज कंडेल, वडा नं.६ का वडाध्यक्ष गोविन्द बराकोटी लगायतकाको उपस्थिति रहेको थियो । कार्यक्रममा भूकम्पपछि पुननिर्माणको क्रममा जनताहरुले झेलिरहेका समस्याहरु, एकल महिलाहरुको समस्या, गुनासो सम्बोधन नभएका लगायतका समस्याहरु उठेका थिए भने सम्बन्धित निकायका प्रतिनिधीहरुले जबाफ दिएका थिए । पालूंङटार न.पा.को गुरु योजना अन्तरगत सुकुम्बासी आवास भवन बनाउन वडा नं.७ को आहालेवर्रामा निर्माणाधीन भवन शुरु भए लगतै राष्टिय पुननिर्माण प्राधिकरणले भवन निर्माणकार्य रोकिएको थियो तर यस कार्यक्रममा राष्टिय पुननिर्माण प्राधिकरण प्रवक्ताले बोल्नुहुदै आहालेवर्रामा निर्माणाधिन अवस्थामा रोकिएको सुकुम्बासी आवास भवनका विषयमा छिटै निर्णय गरिने समेत बताउनुभयो ।

 

 ​​​​​​​

आपपिपल अस्पताललाई मेडिकल सामाग्री तथा फर्निचर सामाग्री हस्तान्तरण कार्यक्रम

पालुङटार नगरपालिका उप प्रमुख पम्फा बसेल ज्यु को प्रमुख आतिथ्यमा नेपाल मेड नेपाल द्वारा आपपिपल अस्पताललाई मेडिकल सामाग्री तथा फर्निचर सामाग्री हस्तान्तरण कार्यक्रम सम्पन्न भयो।स्मरण रहोस बिनाशकारी भुकम्प पश्चात पुनः निर्माण हुदै गरेको अस्पतालको काम करिब करिब अन्तिम चरणमा पुगेको हुदा आगामी मंसिर २७ गतेबाट नयाँ भबनबाट सेवा सुरु गर्ने गरि अगाडि बढेको छ।

 

 ​​​​​​​

ढुंगा, गिट्टी, बालुवाको निरिक्षण

पालुङटार नगरपालिका क्षेत्र भित्र रहेका नदि खोलाहरु दरौदी, चेपे र मरस्यांग्दी नदीमा रहेका ढुंगा, गिट्टी, बालुवाको निरिक्षण गर्नुहुदै नगर प्रमुख ई. दीपक बाबु कंडेल ज्यू, उप-प्रमुख पम्फा बसेल ज्यू, प्र.प्र.अ. बिरेन्द्र देव भारती ज्यू, ई. निरज देबकोटा र कर्मचारीहरु |

 

 

मिर्कोट मा बि को भबन शिलान्यास तथा बालबालिकासङ्ग मेयर कार्यक्रम

"मिर्कोट मा बि को भबन शिलान्यास तथा बालबालिकासङ्ग मेयर " कार्यक्रम सम्पन्न भएको छ।पालुङटार नगरपालिका प्रमुख ई दीपक बाबू कंडेल ज्यु को प्रमुख आतिथ्य,वडा न ९ र १० का वडा अध्यक्षहरु तथा नगर शिक्षा अधिकारी ,बिद्यालय ब्यबस्थापन समिती अध्यक्ष ,बिध्यार्थी,शिक्षक,अभिभाबक,लगाएत स्थानिय सरोकारवाला बिच कार्यक्रम भएको थियो।बिध्यार्थीहरुले नगर प्रमुख सङ्ग बिबिध प्रश्नहरु सोध्नु भएको थियो।मुख्यतया बिध्यालय शिक्षा सुधारमा नगरपालिकाले के गर्दै छ? भ्रस्टाचार कसरी रोक्न सकिन्छ??अंग्रेज़ी र नेपाली पढाई ??बिज्ञान प्रयोगशाला ?बिध्यलय खाजा??शुद्ध पिउने पानी??जिल्ला प्रथम कसरी हुने??अनि अत्यन्तै रोचक प्रश्न ,म पनि इन्जिनियर ,मेयर बन्न चाहन्छु ,तर कसरी ??भाईबैनीहरुको असाध्यै रचनात्मक प्रश्नहरुको लागि धन्यवाद दिदै सम्पुर्ण भाइबैनीको प्रश्नमा नगर प्रमुखले उत्तर दिनु भयो।

 

 

लिगलिग पालुङटार नेवा:होम स्टे उद्घाटन
पा.न.पा नगरपालिका वार्ड न ५ ठाटीपोखरीमा लिगलिग पालुङटार नेवा:होम स्टेको उद्घाटन सम्पन्न भयो | उक्त कार्यक्रममा प्रमुख अतिथि नगर प्रमुख श्री ई. दीपक बाबु कंडेल ज्यू, विशेषअतिथिहरुमा नगर उप प्रमुख श्री पम्फा बसेल ज्यू, वार्ड अध्यक्ष श्री दीपक पाण्डे ज्यू, वार्ड न ९ का वार्ड अध्यक्ष श्री भेज राज पाण्डे ज्यू, इलाका प्रहरी कार्यालयका प्रतिनिधि ज्यु लगाएत अन्य महानुभावहरुको उपस्थितिका बीच नगर प्रमुख ज्यूले पानसमा बत्ति बालि उदघाटन गर्नुभयो | यस नेवा:होम स्टे संचालनमा आए संगै पालुङटारमा आउनु हुने आन्तरिक तथा बाहय पर्यटकलाइ सेवा सुबिधा हुने र पर्यटन प्रबर्द्धनमा टेवा पुग्ने बताउनुभयो l

 

सि.सि.टि.भि. क्यामरा जडान

पालुङटार नगरपालिका कार्यलय र वडा न ५ को सहकार्यमा हवाईग्राउन्ड तुरतुरेबाट ठाटिपोखरी बजारसम्म (३ कि.मि.) मुख्य मुख्य चोकमा सुरक्षाको दृष्टिकोणलाई मध्यनजर गर्दै १० वटा सि.सि.टि.भि. क्यामरा जडान गरिएको छ। सडक तथा सुरक्षा संबेदनसिलतालाई मध्यनजर गरि जडान गरिएको सि.सि.टि.भि. क्यामराको कन्ट्रोल  ईलाका प्रहरी कार्यलय ठाटिपोखरीलाई जिम्मा दिईएको छ।

 

समग्र पालुङटार नगरपालिका सिंचाई आयोजनाका लागि अन्तरक्रिया कार्यक्रम
समग्र पालुङटार नगरपालिका सिंचाई आयोजनाका लागी पालुङटार नगरपालिकाको आयोजनामा श्री भवानी क्याम्पसको मिटिंग हलमा आज नगर प्रमुख श्री ई. दीपक बाबु कंडेल ज्युको अध्यक्ष्यतामा अन्तर्क्रिया कार्यक्रम सम्पन्न भयो l कार्यक्रमका प्रमुख अतिथि प्रतिनिधि सभा सांसद तथा पुर्ब प्रधानमन्त्री माननीय डा. वावुराम भट्टराई ज्यु, बिशेष अथितिहरुमा रास्ट्रिय सभा बिपक्षि दलका नेता श्री सुरेन्द्र राज पाण्डे ज्यु, प्रदेश सभा सदस्य श्री हरि शरण आचार्य ज्यु, प्रदेश सभा सदस्य श्री प्रकाश चन्द्र दवाडी ज्यु हरुले समग्र पालुंगटार विकासका लागि सिंचाई योजना कोशेढुंगा साबित हुने बताउनुभयो l कार्यक्रममा स्वागत मन्तब्य नगर उप प्रमुख श्री पम्फा बसेल ज्युले दिनुहुदै कार्यक्रमको शुरुवात भएको थियो l उक्त कार्यक्रममा कुन्दुर पालुंगटार सिंचाई आयोजनाका प्रमुख डा. देबनारायण शाहले प्रस्तुतिकरण दिनुभएको थियो l कार्यक्रममा पालुंगटार न.पा. का सम्पूर्ण जनप्रतिनिधि ज्युहरु, राजनैतिक दलका प्रतिनिधि ज्युहरु टोल विकास समितिका अध्यक्ष ज्युहरु, , बिभिन्न संघ सस्था सरोकारवालाहरु लगायत अन्य नगरवासीहरुको उपस्थित रहेको थियो l 
अन्त्यमा सभापति ई दीपक बाबु कंडेल ज्युले समग्र पालुंगटार न.पा. का सिंचाई युक्त टारहरुलाइ चेपे नदि, दरौदी नदि, मर्स्याङ्दी नदि तथा विभिन्न खोला नालाहरुमा रिजर्बवयर गरि सिंचाई मार्फत आधुनिक कृषि क्रान्ति ल्याउन सम्पूर्णमा हातेमालो गर्न तयार छौ भन्दै कार्यक्रमको विसर्जन गर्नुभएको थियो l

   

 

 

च्यांगली बिरुवाटारमा प्रहरी चौकी स्थापना
२०७५ कार्तिक ०६
पालुङटार नगरपालिका वार्ड न ७ स्थित च्यांगली बिरुवाटारमा निकै लामो समय अगाडी देखि नै वडामा प्रहरी चौकी स्थापनाको लागी धेरै प्रयासहरु भएको थियो । स्थानीयबासीहरुको मागलाइ मध्यनजर गर्दै अस्थाई कार्यालय स्थापना भएको हो यस वडामा हेर्नको लागी इलाका प्रहरी कार्यालय ठाँटीपोखरीबाट प्रहरी आउनुपर्ने र सीधा बाटो भएर आउनको लागी बाटो ठीक नभएको कारण तनहुँको डुम्रे हुँदै आउनुपर्ने जसका कारण सो क्षेत्रमा प्रहरी सेवा प्रदान गर्न सहज नभएको इलाका प्रहरी कार्यालय ठाँटीपोखरीका प्रहरी इन्चार्जले बताउदै आउनु भएकोमा कार्यालय स्थापना गर्न सफल भएको छ । गत साउन २३ गते सो क्षेत्रमा प्रहरी चौकी स्थापनाको लागी स्थलगत अध्ययन गर्न प्रमुख जिल्ला अधिकारी, जिल्ला प्रहरी कार्यालय गोरखाका एस.पी., इलाका प्रहरी कार्यालयका प्रमुख लगायतकाको टोली वडा नं. ७ को बिरुवाटारमा पुगी वडाध्यक्ष लगायतका स्थानीय बुद्धिजिबीहरुसँग छलफल गरी फर्किनु भएको थियो । फलस्वरुप कार्तिक ०६ गतेका दिन अस्थाई प्रहरी कार्यालय स्थापना भएको छ, असई श्री मदन ढकालको नेतृत्वमा ७ जनाको दरबन्दी भएपनि हाल ५ जना रहेको छ l नगर उपप्रमुख श्री पम्फा बसेल ज्यु को प्रमुख आतिथ्यता, तथा जिल्ला एस.पी. बिमल बस्नेत ज्यु को अध्यक्षतामा पानसमा दियो बालि कार्यालयको विधिवत उद्घाटन गर्नु भएको थियो उक्त कार्यक्रममा उद्घाटन मन्तब्य श्री उपप्रमुख श्री पम्फा बसेल ज्यु ले अस्थाई रुपमा स्थापना भएपनि स्थाई रुपमा नै रहने गरि नगरपालिकाले पहल गर्ने प्रतिबद्धता गर्नुभएको थियो भने जिल्ला sp बिमल बस्नेत, वार्ड वसन्त कुमार श्रेष्ठ, ई.प्र.का ठाटीपोखरी का इन्चार्ज श्री रोशन राज पाण्डे ज्यु ले शुभकामना मन्तब्य दिनु भएको थियो l कार्यक्रम संचालन श्री मोहन कुमार खड्का ज्यु ले संचालन गर्नुभएको थियो l
 

 

मेलमिलाप सम्बन्धि आधारभुत ८ दिने आवसिय तालिम
पालुङटार नगरपालिकाकाे अायाेजना तथा कानुन अन्वेषण तथा श्रोत बिकास केन्द्र, काठमाडौ सहकार्यमा अाज मिति २०७५/०६/१७ गते देखि २४ गते सम्म सञ्चालन हुने मेलमिलाप सम्बन्धि आधारभुत ८ दिने आवसिय तालिम सञ्चालन हुदै ,, प्रत्येक वडाबाट वडा समितिकाे निर्णयमा ३ जना सहभागीहरु सहित १ जना वडा समिति सदस्य गरि जम्मा ४ जना सहभागी हुनुभएको छ र न्यायिक समिति संयाेजक, सदस्याहरु तालिमा सहभागी हुनुहुन्छ ।

 

पालुङटार नगरपालिकाले फ्री वाईफाई सुरु
सूचना प्रबिधीलाई विशेष जोड दिएर अगाडी बढ्दै गरेको पालुङटार नगरपालिकाले आज बाट फ्री वाईफाई सुरु गरेको छ। पालुङटार नगरपालिका वडा न ५ को राधाकृष्ण मन्दिर क्षेत्र र ठाटिपोखरी बजारबाट सेवा सुरु गरेको नगरपालिकाले नगर प्रमुख ई. दीपक बाबु कंडेल ज्यू ले उद्घाटन गर्नु भयो, कार्यक्रम मा उप प्रमुख पम्फा बसेल ज्यू, प्रमुख प्रशासकीय अधिकृत बिरेन्द्रदेव भारती ज्यू, लेखा अधिकृत सुवास अधिकारी ज्यू, प्रशासकीय अधिकृत हर्क रोका ज्यू, नगरपालिकाका कर्मचारीहरु र नगरबासीहरु उपस्थित हुनुथ्यो | क्रमश अन्य क्षेत्रमा पनि सेवा बिस्तार गर्ने छ। घरमै बसेर वडा, नगरपालिका,देश तथा बिदेशका खबर थाहा पाउने सूचना प्रबिधिको आजको युगमा पक्कै पनि नगरबासीहरु यस कार्यबाट लाभान्वित हुनेछन।
 

 ​​​​​​​

नेपाल नगरपालिका संघ गण्डकी प्रदेश स्तरीय बैठक

पालुङटार नगरपालिकाको कार्यालयमा २०७५/०४/३१ गते नगरपालिकाको कार्यालयको हलमा नेपाल नगरपालिका संघ गण्डकी प्रदेश स्तरीय बैठक आज सम्पन्न भयो | नेपाल नगरपालिका संगको हुन गैराखेको महाधिबेसनको बिसयमा छलफलभयो |

 

 ​​​​​​​

श्री अकला मा बि पा.न. पा.-८, धुवाकोटको पक्कि भवनको हस्तान्तरण कार्यक्रम
विनासकारी भूकम्प २०७२ को कारण क्षति भएको श्री अकला मा बि पा.न. पा.-८, धुवाकोटको पक्कि भवनको पुन: निर्माणको काम सम्पन्न भएको अवसरमा भवन हस्तान्तरण कार्यक्रम मा प्रमुख अतिथि माननीय भौतिक तथा पुन निर्माण मन्त्रि श्री राम शरण आचार्य ज्यु , पा. न.पा. नगर प्रमुख श्री ई. दीपक बाबु कंडेल ज्यू र उप प्रमुख पम्फा बसेल ज्यू बाट उद्घाटन गर्नु भयो |